O vindeiro martes 27 de outubro ás 19:30 horas no Auditorio Municipal do Rosal celebrarase unha conferencia informativa que xirará ao redor da nova gripe ou gripe A.

A xefa do servizo de Medicina Preventiva do Hospital Xeral de Vigo, Margarita Cueto Baelo, achegarase ata a nosa vila para falar deste importante e novidoso tema.

Estas charlas están organizadas pola Deputación de Pontevedra coa colaboración da Consellería de Sanidade da Xunta de Galicia e o Concello do Rosal.